Ariza qoldirish
Menyuni ochishMenyuni yopish
Ariza qoldirish

Olmon Edu · olmon.uz

Yordam

Olmon Edu ilovasi bo‘yicha ko‘p so‘raladigan savollarga javoblar va biz bilan bog‘lanish yo‘llari.

Bosh sahifaga
Mundarija

Biz bilan bog‘lanish

Savolingiz bo‘lsa yoki ilovada muammoga duch kelsangiz, bizga qo‘ng‘iroq qiling yoki e‑pochta orqali yozing:

Ijtimoiy tarmoqlar

Yangiliklarimizni kuzatib boring.

Olmon Akademie Toshkent, Olmazor tumani, Farobiy ko‘chasi, 30

Olmon Edu ilovasi

Olmon Edu — Olmon Akademie talabalari uchun ilova. Unda jonli darslar va ularning yozuvlari, uy vazifalari, testlar, kutubxona, guruh chati, davomat, baholar va to‘lovlaringiz bor.

Olmon Edu

iPhone, iPad va Android uchun · iOS 17 yoki yangiroq, Android 8.0 yoki yangiroq

Tez orada App Store’da

Ilova o‘zbek, rus, ingliz va nemis tillarida ishlaydi. Tilni ilova sozlamalarida almashtirasiz.

Ro‘yxatdan o‘tish

  1. Olmon Edu ilovasini oching va kirish ekranida «Ro‘yxatdan o‘tish» tugmasini bosing.
  2. O‘zbekiston telefon raqamingizni (+998) kiriting va SMS orqali kelgan tasdiqlash kodini yozing. Kod 5 daqiqa amal qiladi.
  3. Ismingiz, familiyangiz va jinsingizni kiriting, parol o‘ylab toping: kamida 8 belgi, kamida bitta lotin harfi va bitta raqam.

Tayyor — siz ilovaga kirdingiz. Kutubxona, uy vazifalari va testlar akademiya sizni kursga qo‘shgandan keyin ochiladi: ilovadagi «Kursga yozilish» orqali ariza qoldiring yoki bizga qo‘ng‘iroq qiling.

Ilova raqamingiz allaqachon ro‘yxatdan o‘tganini aytsa (masalan, akademiyada o‘qiyotgan bo‘lsangiz), yangi hisob ochish shart emas: kirish ekranidagi «Parolni unutdingizmi?» orqali parol o‘rnating va kiring.

Parolni tiklash

Parolni SMS kod orqali tiklash mumkin. Bu har qanday hisob uchun ishlaydi — talaba, mehmon va xodim hisoblari uchun ham.

  1. Kirish ekranida «Parolni unutdingizmi?» ni bosing.
  2. Telefon raqamingizni kiriting va SMS orqali kelgan kodni yozing.
  3. Yangi parol o‘rnating: kamida 8 belgi, kamida bitta lotin harfi va bitta raqam.
  4. Ilova kirish ekraniga qaytadi — yangi parol bilan kiring.

SMS kelmasa, bir necha daqiqadan so‘ng qayta urinib ko‘ring. Ilova bu hisobni ilovada tiklab bo‘lmasligini aytsa, bizga qo‘ng‘iroq qiling.

Parolingizni bilsangiz va uni almashtirmoqchi bo‘lsangiz:

  1. Profil
  2. Sozlamalar
  3. Xavfsizlik
  4. Parolni o‘zgartirish

Jonli darslar

Onlayn guruh talabalari jonli darslarga Olmon Edu ilovasida yoki brauzerda — talabalar portalida (talaba.olmonedu.uz) qatnashadi. Ilova iPhone, iPad va Android uchun.

Ilovada

  1. Dars boshlanganda bildirishnoma keladi (agar bildirishnomalarga ruxsat bergan bo‘lsangiz).
  2. «Asosiy» bo‘limidagi dars kartasida «Darsga qo‘shilish» tugmasini bosing.

Talabalar portalida

  1. talaba.olmonedu.uz saytiga talaba hisobingiz bilan kiring.
  2. Dars boshlanganda «Bosh sahifa»da dars kartasi chiqadi — undagi «Darsga qo‘shilish» tugmasini bosing.

Portalda jonli dars kompyuterda Chrome yoki Edge brauzerida, Android telefonda esa Chrome’da ishlaydi. iPhone va iPad’dagi Safari’da uning ishlashi kafolatlanmaydi — u yerda Olmon Edu ilovasidan foydalaning.

Savol bo‘lsa, «Qo‘l ko‘tarish» tugmasini bosing. Portalda o‘qituvchi gapirishga ruxsat berganda brauzer mikrofonga ruxsat so‘rashi mumkin — ruxsat bering. Portalda dars varag‘idan boshqa varaqqa o‘tsangiz, qo‘lingiz tushiriladi va mikrofoningiz o‘chadi, dars ovozi esa eshitilishda davom etadi.

Darslar yozib olinadi, yozuvlarni ilovada ham, portalning «Darslar» bo‘limida ham ko‘rasiz. Ilova «Ilovani yangilang» ekranini ko‘rsatsa, avval uni yangilang: iPhone va iPad’da — App Store’dan, Android’da — Google Play’dan.

Yozuvlar haqida — Maxfiylik siyosati, 4‑bo‘lim

Hisobni o‘chirish

Hisobingizni ilovaning o‘zida o‘chirishingiz mumkin — iPhone, iPad va Android’da bir xil:

  1. Profil
  2. Sozlamalar
  3. Hisob
  4. Hisobni o‘chirish

Ilova avval nima o‘chishi va nima qolishini ko‘rsatadi, so‘ng joriy parolingizni va yakuniy tasdiqni so‘raydi. O‘chirish darhol amalga oshadi va ilovada uni qaytarib bo‘lmaydi.

Faqat Telegram orqali kirsangiz va parolingiz bo‘lmasa, avval parol o‘rnating:

  1. Profil
  2. Sozlamalar
  3. Xavfsizlik
  4. Parolni o‘zgartirish

Nima o‘chadi

  • Kirish ma’lumotlaringiz
  • Push bildirishnomalar
  • Barcha seanslar: ilova va talabalar portalidan chiqarilasiz
  • Telegram orqali kirish

Akademiyada nima qoladi

  • To‘lovlar va hisob-kitob — qonun talab qilganidek, akademiya buxgalteriyasi uchun
  • O‘qish tarixi — guruhlar, davomat va baholar
  • Akademiyaning talabalar yozuvidagi ismingiz va telefon raqamingiz
  • Guruh chatidagi xabarlar — guruhda ismingiz bilan qoladi
  • Telegram bot ulanishi — to‘lov kvitansiyalari va eslatmalar kelishda davom etadi
  • Ilovadan mehmon sifatida foydalangan bo‘lsangiz — akademiya CRM tizimidagi butun yozuvingiz, jumladan jinsingiz, tanlagan darajangiz va kursga arizangiz

Shu telefon raqami bilan qayta ro‘yxatdan o‘tsangiz, hisob o‘sha talaba yozuviga qayta ulanadi. Xodimlar hisoblarini akademiya boshqaradi, shuning uchun ilovada ular uchun bu bo‘lim yo‘q. Ma’lumotlaringiz nusxasini olish, ularni tuzatish yoki to‘liq o‘chirishni so‘rash uchun bizga qo‘ng‘iroq qiling yoki e‑pochta orqali yozing.

Batafsil — Maxfiylik siyosati, 7‑bo‘lim

Maxfiylik siyosati

Olmon Edu ilovasi, talabalar portali va olmon.uz sayti qaysi ma’lumotlarni yig‘ishi, nima uchun ishlatishi va qancha saqlashi Maxfiylik siyosatida yozilgan.

Ilovada:

  1. Profil
  2. Sozlamalar
  3. Maxfiylik va yordam
  4. Maxfiylik siyosati

Ro‘yxatdan o‘tishning birinchi qadamida ham unga havola bor.

Talabalar portalida havola «Profil» sahifasidagi «Maxfiylik va yordam» bo‘limida.

Ilova va saytlarimizdan foydalanish qoidalari — Foydalanish shartlari